Paris Saint-Germain ka siguruar zyrtarisht titullin kampion në Ligue 1 për sezonin 2025/26, pas fitores 2-0 ndaj Lens në ndeshjen vendimtare.
Skuadra parisiene nuk gaboi përballë rivalit më të afërt në renditje dhe me këtë sukses u bë e paarritshme për ndjekësit në garën për titull.
Khvicha Kvaratskhelia dhe Ibrahima Mbaye ishin autorët e golave që i dhanë PSG tre pikët dhe vulosën matematikisht triumfin në kampionat. Me këtë humbje, Lens humbi edhe shanset teorike për të parakaluar kryeqytetasit në renditje.
Ky është titulli i pestë radhazi për PSG në Ligue 1, duke konfirmuar dominimin e klubit në futbollin francez gjatë viteve të fundit.
Parisienët kanë ende një ndeshje për të luajtur, derbin ndaj Paris, por ajo nuk do të ketë më ndikim në renditje dhe do të shërbejë më shumë si një festë përpara dorëzimit zyrtar të trofeut.
