Pse Juventusi vendosi të rinovojë kontratën e Milik pavarësisht se nuk ka luajtur asnjë ndeshje këtë sezon për shkak të dëmtimeve dhe me një lamtumirë që duket pothuajse e pashmangshme?
Një pyetje që shumë veta ia kanë bërë vetes, pasi zgjatja e kontratës së tij me bardhezinjtë për një sezon tjetër deri në vitin 2027 u bë zyrtare. Pas këtij operacioni, në fakt fshihet një veprim i studiuar mirë që është shumë i përshtatshëm për Juven për sa i përket bilancit dhe merkatos.
Milik, i cili më parë fitonte 3.5 milionë në sezon, ka pranuar ofertën për të fituar 1.75 milionë në vit për dy vitet e ardhshme.
Përveçse e lehtësoi bilancin, rinovimi i kontratës së Milik është gjithashtu i rëndësishëm për sa i përket merkatos.
Me këtë pagë më pak të rëndë për t’u përballuar dhe me një vit shtesë kontrate, mund të jetë më e lehtë për Juventusin të përpiqet ta huazojë Milikun sezonin e ardhshëm, kur ai do të duhet të gjejë ritmin e tij përsëri pas një periudhe të gjatë pasiviteti, duke luajtur vazhdimisht.
Kjo nuk do të thotë që Milik ndoshta nuk do të gjejë hapësirë drejt fundit të sezonit aktual. Gjendja e tij do të duhet të vlerësohet për të shmangur rrezikun e ndalesave të mëtejshme, siç ndodhi për shembull me problemet muskulore që e penguan atë të kthehej pas operacioneve të meniskut.
Ndeshja e tij e fundit e luajtur daton në fund të majit të vitit të kaluar, kundër Monza-s, ndërsa goli i tij i fundit u shënua pak para asaj ndeshje, kundër Bologna-s.
Gjëja e domosdoshme për të është të rikuperohet mirë, pastaj do të mendohet për të ardhmen e tij, e cila nga sot është më pak e vështirë për Juventusin.
