Gjykata e Selanikut ka dënuar me 17 vite burg një 40-vjeçar shqiptar, i cili akuzohet për abuzim seksual dhe fizik të gruas së tij, në prani të fëmijëve të tyre të mitur.
Sipas 30-vjeçares, e cila bëri denoncimin në muajin mars, kur gjeti forcën për të thyer heshtjen, i pandehuri e përdhunonte pothuajse çdo ditë.
Sipas deklaratës në polici, e cila u lexua në gjykatë pasi ajo nuk u paraqit për të dëshmuar, 40-vjeçari e abuzoi fizikisht, madje edhe në prani të fëmijëve të tyre, dhe e përdhunoi.
Në fakt, pas abuzimit të saj seksual, viktima u ankua se i pandehuri… urinonte mbi të.
Gjithashtu deklaroi se 40-vjeçari ecte vazhdimisht nëpër shtëpi i dehur dhe lakuriq.
Shqiptari u lirua me kusht pas arrestimit dhe u gjykua në mungesë, pasi nuk u paraqit në gjykatë. Pas vendimit, ai konsiderohet i arratisur.
Gjatë deklarimit të tij në hetuesi, ai kishte pohuar se vetëm e kishte goditur gruan me shuplakë dhe i kishte mohuar akuzat.
