Kukësi dhe Bulqiza janë dy nga qytetet shqiptare më të pasura me pasuri nëntokësore.
Në këto zona ka një numër të madh minierash, nga ku çdo ditë njerëz të këtyre krahinave futen me kilometra të tëra nën tokë, për të nxjerrë këto pasuri të cilat më pas eksportohen.
E megjithatë Bulqiza dhe Kukësi janë ndër qytetet me njerëzit më të varfër në republikë. Emigracioni i ka goditur rëndë këto zona, pasi mundësitë e punësimit janë të pakta.
Sipas disa të dhënave publike (të pakonfirmuara zyrtarisht), vetëm Bulqiza deri sot përllogaritet të ketë nxjerrë 20.000.000 ton/krom, kjo e barabartë me 7 miliardë Euro.
Nga ana tjetër, hidrocentrali i Fierzë ka zaptuar 3 500 ha tokë buke vetëm në Kukës, vlera e tokës 150 milionë euro.
Ka prodhuar 65,505 miliardë kWh energji elektrike, e barabartë me 6 miliardë Euro.
Kalimashi dhe përroi i Batrrit përllogaritet se ka prodhuar 2,8 milionë ton Krom, me vlerë 1 miliardë Euro.
15 Miliardë euro pasuri dhe janë banorët më te varfër te Shqipërisë.
Cilat mund të jenë disa nga arsyet e kësaj gjendje? Pasuri pafund dhe njerëz të varfër…
