Flakët kanë përfshirë një magazinë në qytetin e Shkodrës. Sipas informacioneve praprake mësohet se paraditen e kësaj të enjte, në lagjen “Daniel Matlia” , zjarri ka rënë në katin e tretë të një banese e cila shërbente si magazinë parfumesh.
Burime për mediat bëjnë me dije se zjarrfikëset kanë shkuar në vendin e ngjarjes dhe po punojnë për neutralizimin e flakëve, ndërkohë rrezikohet dhe një gomisteri e cila ndodhet aty pranë.
“Rreth orës 10:20, në lagjen “Daniel Matlia”, ka rënë zjarr në katin e tretë të një banese që shërben si magazinë. Si pasojë janë shkaktuar vetëm dëme materiale.
Grupi hetimor në vendngjarje po punon për përcaktimin e shkakut të rënies së zjarrit”, njofton Policia.
