Një mesazh shumë prekës për Mimoza Ahmeti po bën xhiron e rrjetit dhe ka emocionuar ndjekësit e Ferma VIP.
Në një koment të publikuar në rrjetet sociale, vajza e Mozës ka folur hapur për nënën e saj, duke treguar anën që publiku nuk e njeh jashtë kamerave.
Ajo shkruan se Moza ka qenë “mamaja ideale”, duke sakrifikuar gjithçka për fëmijët e saj pavarësisht vështirësive ekonomike dhe problemeve që ka kaluar ndër vite.
“Nuk ka marrë dashurinë që meritonte në martesë dhe prapë ndejti 20 vjet vetëm për mua dhe motrën,” – thuhet ndër të tjera në mesazhin që ka prekur shumë ndjekës.
Gjithashtu, vajza e saj thekson se njerëzit nuk duhet ta gjykojnë Mozën vetëm nga sjellja në reality show, pasi sipas saj ajo po bën spektakël dhe në jetën reale është krejt ndryshe.
“Ajo vlerëson martesën dhe familjen mbi çdo gjë,” – shkruan ajo në fund të reagimit.
Mesazhi është shpërndarë masivisht në rrjet dhe ka sjellë shumë reagime pozitive për Mozën, me ndjekës që janë prekur nga rrëfimi emocional i vajzës së saj.
