Presidenti rus, Vladimir Putin ka rënë dakord të ndalojë sulmet në infrastrukturën energjetike të Ukrainës, sipas mediave shtetërore ruse.
Ata thonë se Putin ka urdhëruar ushtrinë që të ndalojë sulmet në ato objektiva për 30 ditë pas bisedimeve me Donald Trump.
Presidenti i SHBA-ve Donald Trump zhvilloi ditën e sotme një bisedë telefonike me homologun e tij rus Vladimir Putin, e cila ka zgjatur rreth 90 minuta.
Mediat ndërkombëtare raportojnë se burime brenda Shtëpisë së Bardhë bëjnë me dije se biseda ka shkuar mirë, dhe në fokus ka qenë diskutimi për një armëpushim mes Rusisë dhe Ukrainës.
Kjo është telefonata e dytë që dy liderët zhvillojnë me njëri-tjetrin, pas zgjedhjes së Trump në krye të Shtëpisë së Bardhë.
Telefonata e së martës vjen pasi zyrtarët ukrainas javën e kaluar ranë dakord me propozimin amerikan gjatë bisedimeve në Arabinë Saudite të udhëhequra nga Sekretari i Shtetit Marco Rubio. Presidenti ukrainas Volodymyr Zelenskyy, megjithatë, mbetet skeptik se Putini është gati për paqe, ndërsa forcat ruse vazhdojnë të godasin Ukrainën.
Trump, përpara thirrjes, tha se priste të diskutonte me Putinin për tokën dhe termocentralet që janë konfiskuar gjatë luftës së rëndë trevjeçare. Zëvendës shefi i stafit të Shtëpisë së Bardhë, Dan Scavino, tha në një postim në mediat sociale se thirrja e liderëve filloi në orën 10 të mëngjesit në Lindje dhe “po shkonte mirë”.
