Kylian Mbappé po vazhdon të shkruajë histori me fanellën e Real Madridit. Në përballjen e fazës së 1/16-ave të Kupës së Mbretit ndaj Talaverës, “Los Blancos” triumfuan me rezultatin 3-2, ndërsa sulmuesi francez ishte figura kyçe e ndeshjes, duke realizuar dy gola vendimtarë.
Me këtë dopietë, Mbappé ka arritur kuotën e 58 golave me Real Madridin në të gjitha kompeticionet, duke e afruar maksimalisht me rekordin e klubit për numrin më të madh të golave të shënuar brenda një viti kalendarik.
Performanca e tij jo vetëm që siguroi kualifikimin në raundin tjetër të Kupës së Mbretit, por e vendosi atë vetëm një gol larg barazimit të rekordit historik të Cristiano Ronaldos, i cili në vitin 2013 realizoi 59 gola me Real Madridin në të gjitha garat.
Tashmë, Mbappé është një hap larg një arritjeje legjendare, duke konfirmuar statusin e tij si një nga lojtarët më vendimtarë dhe më të rrezikshëm në historinë moderne të klubit madrilen.
