Sekretari i Përgjithshëm i Partisë Socialiste, Blendi Klosi, ka deklaruar se Partia Socialiste do të vijojë përgatitjet për zgjedhjet e ardhshme, me Edi Ramën në krye, duke shprehur bindjen për fitoren e zgjedhjeve të vitit 2027.
Klosi u shpreh se dorëheqja e Edi Ramës dhe tërheqja e Partisë Socialiste nga angazhimi për integrimin europian të Shqipërisë nuk janë skenarë që do të ndodhin.
“Nese ju prisni qe zgjidhja tjetër, dorëheqja e Edi Ramës dhe tërheqja e Partisë Socialiste nga detyrimi i saj për ta çuar Shqipërinë drejt Bashkimit Europian, nuk ka për të ndodhur.
Ne do të vazhdojmë të përgatitemi për zgjedhjet e ardhshme dhe do t’i fitojmë ato, me Edi Ramën kryetar. Do të fitojmë zgjedhjet e vitit 2027 dhe 2029 me Edi Ramën dhe Partinë Socialiste.
Ne do të vazhdojmë të ndërtojmë sistemet e drejtësisë dhe do t’i mbrojmë ato. Do të jemi garantët e vetëm në këtë skemë politike për drejtësinë e re.
Ajo që duam të bëjmë ne, Partia Socialiste, me Edi Ramën në krye, është të ndërtojmë një Shqipëri më të gatshme, një Shqipëri më të pasur për qytetarët e saj, me më shumë mundësi, me trajtim më të mirë për studentët dhe me kushte universitare gjithnjë e më të mira”, u shpreh Blendi Klosi.
