Më 20 dhjetor, në orën 11:00, Parlamenti i Shqipërisë dhe ai i Kosovës do të mblidhen për herë të dytë në një seancë të përbashkët. Mbledhja do të zhvillohet në sallën plenare të Kuvendit të Kosovës në Prishtinë.
Axhenda e seancës nuk është bërë ende publike, por raportohet se kryetarët e grupeve parlamentare nga të dyja vendet do të mbajnë fjalime.
Nga Shqipëria pritet të marrin pjesë rreth 70 deputetë, ndërsa nga Kosova do të jenë të pranishëm 60 parlamentarë.
Mbledhja synon të forcojë bashkëpunimin mes dy vendeve dhe vjen si shprehje e angazhimit për të adresuar çështje të përbashkëta të rëndësishme.
