Ka përfunduar seanca gjyqësore për 20 personat e arrestuar në kuadër të operacionit “Vjeshta”, me Gjykatën e Sarandës që ka caktuar masat e sigurisë për secilin prej tyre.
Nga vendimi i gjykatës, 15 prej të arrestuarve do të qëndrojnë në qeli, ndërsa pesë të tjerë do ta vijojnë procesin nën masën “Arrest në shtëpi”.
Në burg janë lënë Arlind Osmani, Feliks Filja, Altin Arapi, Erjon Dido, Medi Myftaraj, Redian Arizi, Dhimitri Terolli, Fabjo Berhamaj, Klerjan Popshini, Devis Saliaj, Xhuliano Mejdi, Vasil Kaci, Shefqet Bezhani, Nazif Refitaj dhe Korado Omeri.
Ndërsa masa “Arrest në shtëpi” është vendosur për Andrea Babi, Bledar Kovaci, Elvis Demcaj, Nikolin Rakipi dhe Flatun Lalaj.
Vendimi është marrë pas një seance të gjatë, gjatë së cilës prokuroria kishte kërkuar që të 20 të dyshuarit të qëndronin në burg. Hetimi përfshin edhe prova të siguruara përmes një agjenti të infiltruar.
Sipas burimeve nga gjykata, agjenti dyshohet se ka kryer blerje të lëndëve narkotike gjatë operacionit, ndërsa veprimet e tij janë dokumentuar edhe nëpërmjet fotografive, të cilat janë përfshirë në materialin hetimor.
Tashmë, 20 të arrestuarit do të vijojnë përballjen me drejtësinë, ndërsa hetimet për aktivitetin e dyshuar kriminal vijojnë.
