Organizata Botërore e Tregtisë ka paralajmëruar se sistemi global i tregtisë ndodhet në një pikë kritike dhe ka bërë thirrje për reforma të rregullave ndërkombëtare.
Sipas OBT-së, tensionet tregtare, tarifat dhe ndryshimet në marrëdhëniet mes fuqive të mëdha po vënë nën presion sistemin që për dekada ka rregulluar tregtinë ndërkombëtare.
Organizata paralajmëron se pa një marrëveshje për modernizimin e rregullave, bota rrezikon një fragmentim më të madh të tregtisë, ku vendet krijojnë blloqe të veçanta dhe kompanitë përballen me më shumë barriera.
