Cristiano Ronaldo pëson një tjetër zhgënjim me Al-Nassr. Skuadra saudite u mposht 1-0 nga japonezët e Gamba Osaka në finalen e AFC Champions League Two, duke humbur mundësinë për të ngritur trofeun.
Ndeshja u vendos nga një gol i Hammet në mesin e pjesës së parë. Al-Nassr dominoi në mbajtjen e topit dhe krijoi disa raste për shënim, por nuk arriti të gjente rrugën e rrjetës.
Për Ronaldo, kjo është një tjetër finale e humbur me klubin saudit. Edhe pse më parë ka fituar Arab Club Champions Cup me Al-Nassr, ai turne nuk konsiderohet si një trofe zyrtar i madh.
Megjithatë, ylli portugez ka ende një mundësi për ta mbyllur sezonin me titull. Al-Nassr mund të shpallet kampion i Saudi Pro League nëse fiton ndaj Damac në javën e fundit.
