Nga sot, pensionistët do të marrin bonusin prej 5 mijë lekësh, pas vendimit të marrë nga Këshilli i Ministrave.
Sipas rregullit, ata mund ta tërhqin bonusin e verës në datën kur marrin edhe pensionin.
“Shpërblimet kalohen në llogaritë e pensionistëve në muajin korrik 2026 dhe paguhen gjatë këtij muaji. Në rastet kur pagesat efektive nuk kryhen brenda muajit korrik 2026, ato të paguhen deri në diten e fundit të vitit”, sqarohet në vendimin e Këshillit të Ministrave.
Përfitues të bonusit janë rreth 777 mijë pensionistë, ndërsa efekti financiar është rreth 3.7 miliardë lekë.
Po ashtu, nga sot hyn në fuqi edhe indeksimi i pensioneve me 2.7%.
