Nga Klodian Tomorri
Ndërsa Shqipëria shkrumbohet nga Vermoshi në Konispol, në vilën qeveritare të Dhërmiut hyjnë e dalin kestëxhinjtë. Sot e pati radhën Sebastian Kurz, ish kryeministri i Austrisë.
Pasi i thuri lavde të mëdha Edi Ramës pas fitores së zgjedhjeve të 11 majit përmes një editoriali që u botua vetëm tek facebooku i tij dhe ndonjë media qeveritare nq Shqipëri, sot Kurzi mbërriti nw Dhërmi i shoqëruar me eskortë nga autoritëtët shqiptare. Sepse vjen gjithmonë dita e honorarëve.
Aktualisht Kurz nuk mban asnjë detyra shtetërore, që të shoqërohet në mënyrë protokollare me eskorta. Përkundrazi, në Austri ai është politikisht i diskretituar dhe juridikisht me njollë penale.
Kurz u shkarkua nga Parlamenti austriak, pasi ministrat e tij u filmuan duke marrë lekë nga oligarkët rusë. Me vonë, zoti Kurtz u dënua nga Tribunali i Vienës për dëshmi të rreme në shkalle të pare, por shpëtoi në apel.
Tashme ai thotë se punon si konsulent për disa kompani të mëdha ndërkombëtare, mes të cilave fondin Mubadala, kompaninë shtetërore të naftës në Abu Dhabi etj etj. Herë pas here bën dhe ndonjë xhiro në Dhërmi.
Dhe ky nuk është i vetmi. Aty vjen Tony, vjen Massimo, vjen ai i Kroacisë, vijnë edhe sheikë, etj etj.
Kështu që axhenda është e ngjeshur. Në pushimet e vogla të pritje përcjelljeve kemi dhe ndonjë status për debatin që kanë hapur lehaqentë se pse Shqipëria nuk ble avionë që fikin zjarrin.
Po lehaqentë nuk e dinë se duhen bërë ca llogari. Dy avionë për fikjen e zjarreve i hëngri vila e Dajtit, plot 6 milionë euro e gjysmë.
Dy të tjerë kjo e Dhërmiut. Tani kemi rikonstruktuar dhe një aty tek Pallati Brigadave, 5 milionë euro kjo. Po kemi Vlorën, kemi Kavalishencën e kështu me radhe.
Ndërkohe, nga Dhërmiu ku pret e përcjell kestëxhinjtë, qeveria është në ballin e punës për të menaxhuar situatën e zjarreve. Lehaqentë le të vazhdojnë. Këstet nuk mbarojnë.
Por të paktën këta austriakët, mund t’i sistemonin me ata çunat e incenëratoreve. Që mos të na binte shume rëndë, se nuk mbarohen.
Ah kjo vila e Dhërmiut ka dhe një veçanti. Kjo është ndarë gjithmonë mes Presidentit dhe Kryeministrit. Por Bajramit nuk i ka renë rasti të bëjë ndonjë ditë pushim aty. Nuk e do vetë more, jo se nuk e lenë.
Kështu që duroni milet. Digjuni dhe ca kohë se po vijnë avionët. I ka porositur Pirrua.
