Carlo Ancelotti ka përfshirë Raphinhan në listën e Brazilit për dy miqësoret e muajit nëntor ndaj Japonisë dhe Singaporit, edhe pse sulmuesi i Barcelonës ende po punon për t’u rikthyer në formën e tij më të mirë pas dëmtimit.
Paraqitja e fundit e Raphinhas me Brazilin përfundoi me një dëmtim rreth një muaj më parë. Ai është rikthyer tashmë në fushë me Barcelonën, por ende nuk ka zhvilluar një ndeshje të plotë.
Pavarësisht kësaj, Ancelotti ka vendosur ta grumbullojë për ndeshjet e 14 nëntorit ndaj Japonisë dhe të 17 nëntorit ndaj Singaporit.
Në listë janë gjithashtu Vinicius Junior dhe Endrick nga Real Madridi, ndërsa mungon kapiteni i PSG-së, Marquinhos.
Trajneri italian ka sjellë edhe disa emra të rinj. Allan i Manchester City është grumbulluar për herë të parë me kombëtaren e parë, ndërsa mes risive janë edhe Bento, Lucas Perri, Carlos Augusto, Jonathan Jesus, Vanderson, André Luiz, João Gomes, Marlon Gomes dhe Alisson Santana.
CBF ka vendosur të mos grumbullojë lojtarë nga Palmeiras dhe Flamengo, për shkak të luftës së tyre për titullin në Brasileirão. Palmeiras është gjithashtu në finalen e Copa Libertadores.
Federata braziliane ka sqaruar se, për shkak të kalendarit të ngjeshur në Brazil, është vendosur që të grumbullohet maksimumi një lojtar nga çdo klub brazilian, me përjashtim të Palmeiras dhe Flamengo.
Brazil do të përballet fillimisht me Japoninë më 14 nëntor dhe më pas me Singaporin më 17 nëntor.
