Ermal Beqiri është arrestuar në Francë, në kuadër të procedurave që lidhen me dosjen e AKSHI-t. Ai ishte shpallur në kërkim nga autoritetet shqiptare dhe ndaj tij ishte caktuar masa e sigurisë “arrest me burg”.
Beqiri konsiderohet një nga personat e përfshirë në hetimin për çështjen e AKSHI-t.
Sipas të dhënave paraprake, ai dyshohet se ka përfituar tenderë nga Agjencia Kombëtare e Shoqërisë së Informacionit dhe është përmendur në hetimet që lidhen me këtë dosje.
Biznesmeni është raportuar gjithashtu si person i lidhur me ish-drejtoreshën e AKSHI-t, Mirlinda Karçanaj, e cila është pjesë e hetimeve të zhvilluara nga organet e drejtësisë.
Ndaj Ermal Beqirit, Gjykata kishte caktuar më herët masën e sigurisë “arrest me burg”, ndërsa ai ishte shpallur në kërkim. Arrestimi i tij në Francë pritet të pasohet nga procedurat ligjore për ekstradimin drejt Shqipërisë, ku do të përballet me akuzat e ngritura në kuadër të dosjes së AKSHI-t.
