Një vepër e re nga Banksy, e cila u shfaq javën e kaluar në Gjykatat Mbretërore të Drejtësisë në Londër, është hequr. Piktura, që paraqiste një protestues të pafuqishëm duke mbajtur një pankartë të gjakosur, ndërsa një gjykatës qëndronte mbi të me një çekiç, ka ngjallur reagime të mëdha.
Policia britanike veproi me shpejtësi për të mbuluar murin, ndërsa Shërbimi i Gjykatave dhe Tribunalëve të Mbretit (HMCTS) mori vendimin për të hequr veprën për shkak të stilit viktorian të ndërtesës, e cila është 143 vjeçare dhe e mbrojtur me ligj.
Projekti “Good Law” shkroi në platformën X mbi heqjen e veprës: “Gjyqi po fshin muralin e Banksy-së ashtu siç po fshin të drejtën tonë për të protestuar.
I nevojitej vetëm 48 orë Gjykatës Mbretërore për të hequr një vepër që tregon një gjykatës që godet një protestues me çekiç.” Postimi shprehte shqetësimin për censurimin e një vepre arti që trajton censurimin e protestave, duke thënë: “Ndoshta ishte paksa shumë afër shtëpisë.”
Banksy vetë konfirmoi se ai ishte autori i veprës përmes një postimi në Instagram, duke treguar grafitit përpara se të mbulohej.
Ky mural u shfaq pas arrestimit të gati 900 protestuesve në qendër të Londrës të shtunën e kaluar, të cilët protestonin kundër ndalimit të grupit Palestine Action si grup terroriste.
Ky grup u përcaktua si i tillë nga qeveria britanike nën ligjet për terrorizmin më herët gjatë këtij viti, duke bërë që mbështetje për aktivitetet e drejtpërdrejta të këtij grupi të jetë një krim i dënueshëm me deri në 14 vjet burg.
Downing Street e paralajmëroi autoren e njohur irlandeze Sally Rooney se angazhimi i saj publik për të mbështetur grupin e ndaluar Palestine Action mund të bie nën ligjet për terrorizmin, duke krijuar një atmosferë të tensionuar rreth lirisë së shprehjes dhe të drejtës për protestë.
