José Mourinho ka komentuar dënimin e Raúl Asencios, i cili u kap duke drejtuar automjetin me nivel alkooli pothuajse katër herë mbi kufirin e lejuar. Trajneri i Real Madridit ishte i qartë se sjellja e lojtarëve jashtë fushës ndikon edhe te imazhi i klubit.
“Një lojtar i Real Madridit është lojtar i Real Madridit 24 orë në ditë. Ajo që bën jashtë stërvitjes mund të dëmtojë reputacionin tënd dhe atë të klubit. Nuk jam i kënaqur. Të gjithë bëjmë gabime, por kur ato grumbullohen është tjetër gjë”, deklaroi Mourinho.
Portugezi megjithatë vlerësoi profesionalizmin e Asencios në Valdebebas, duke theksuar se ai tregon përkushtim maksimal në stërvitje dhe gjatë rikuperimit nga dëmtimi. Mourinho shtoi se klubi ka hapur një hetim dhe, deri në përfundimin e tij, mbrojtësi vazhdon të konsiderohet pjesë e skuadrës.
Në konferencë, Mourinho foli edhe për Dani Ceballos, duke zbuluar se i kishte komunikuar drejtpërdrejt se nuk e kishte në planet e tij, ndërsa për Manuel Pellegrinin pranoi se në të kaluarën kishte bërë deklarata për të cilat sot pendohet.
