Moderatorja e njohur e emisionit “Sol”, Adelina Hasani, ka ndarë lajmin më të bukur të jetës së saj: ajo është bërë nënë për herë të parë. Nëpërmjet një videoje të ndjerë të publikuar në Instagram, Adelina ka ndarë me ndjekësit emocionet nga momenti i lindjes së vajzës së saj.
Vogëlushja ka ardhur në jetë më 29 maj dhe prindërit e saj, Adelina dhe partneri Besart Hoxha, i kanë vendosur emrin Zoi. Në përshkrimin që shoqëron videon, moderatorja ka shkruar disa rreshta prekës, ku shpreh dashurinë e pafund për të bijën dhe përkushtimin që ajo dhe partneri i saj kanë ndaj saj.
“Jeta me ty sapo ka nisur dhe është shumë më e bukur sesa e kam imagjinuar gjatë nëntë muajve të shtatzënisë...”, shkruan ndër të tjera Hasani, duke theksuar se e ardhmja është e panjohur, por dashuria e tyre për Zoin do të jetë gjithmonë udhërrëfyese.
Zoi jem,
Jeta me ty sapo ka nise dhe eshte shuuummeee ma e bukur se qe e kam imagjinu gjate nente muajve te shtatzenise, edhe pse çdo dite e jetoja me ndjenjen se ti ishe mrekullia qe po rritej brenda meje.
Çika jem, nuk e dime se me çka jeta ka me na perballe, por per aq sa do t’kemi jete, une dhe babi yt do t’perkushtohemi çdo dite me ta mesu dashnine, miresine dhe guximin… ♥️
Per gjithe rrugetimin e shtatzenise, une dhe Besarti jemi thellsisht mirenjohes dhe falenderues per doktor @fatos_muhaxhiri , profesionist dhe njeri i jashtezakonshem, i cili na ka mbeshtete me profesionalizem dhe perkushtim gjate gjithe shtatzenise.
Kujdesi i tij ka qene qenesor, jo vetem per shendetin tim fizik, por edhe per qetesine dhe forcen emocionale.
Falenderuese gjithashtu per te gjithe stafin e @spitali_fati_im , te cilet treguan nivel te larte profesionalizmi dhe kujdesi. Me zemer plot mirenjohje, do ta ruaj kete pervoje si nje nga periudhat me te bukura te jetes time.
Faleminderit edhe @agon.joy dhe @fatlum.hajrullahu qe krejt keto momente kaq t’bukura dhe emocionuese i permblodhet ne kete video ♥️
