Më shumë se 1,400 protestues janë arrestuar në Turqi që nga fillimi i valës së protestave të mërkurën e kaluar, të cilat nisën pas arrestimit të kryetarit opozitar të Stambollit, njoftuan sot autoritetet.
”1,418 të dyshuar janë arrestuar aktualisht gjatë protestave të paligjshme që nga 19 marsi ,” shkroi Ministri i Brendshëm turk Ali Yerlikaya në aplikacionin X.
19 Mart 2025 tarihinden itibaren yapılan yasa dışı gösterilerde bugüne kadar 1.418 şüpheli gözaltına alındı.
— Ali Yerlikaya (@AliYerlikaya) March 25, 2025
Halen gözaltında 979 şüpheli bulunurken bugün 478 şahıs mevcutlu olarak adli makamlara çıkartılacak.
Sokakları terörize etmeye kalkışanlara, milli ve manevi…
Dhjetëra mijëra qytetarë kanë dalë në rrugët e Turqisë në protesta të vazhdueshme që pas arrestimit dhe lënies në burg të kryebashkiakut të Stambollit, Ekrem Imamoglu javën e kaluar.
Që prej së mërkurës, qindra mijëra njerëz janë mbledhur në sheshe, rrugë dhe kampuse universitare duke brohoritur kundër presidentit Erdogan dhe duke bërë thirrje jo vetëm për lirimin e Imamoglu, por edhe respektimin e te drejtave.
Demonstratat që kanë përshirë qytetet më të mëdha të Turqisë konsiderohen më të mëdhatë në dekadën e fundit në vend dhe kanë nxitur shqetësim të thellë mbi demokracinë dhe sundimin e ligjit.
Shumë protestues kanë thënë se po përgatiten për një bllokim afatgjatë edhe pse disa qytete e kanë shtyre afatin e ndalimit të tubimneve deri në datën 1 prill.
Kryebashkiaku i Stambollit përballet me akuzat e korrupsionit dhe drejtimin e një organizate kriminale.
