Rafael Leao po kalon një fillim të vështirë të aventurës së tij te Galatasaray, një muaj pas largimit nga Milani për 38 milionë euro plus bonuse.
Portugezi ka zhvilluar katër ndeshje, tre në kampionat dhe një në Ligën e Kampionëve, por ende nuk ka regjistruar as gol dhe as asistim.
Paraqitja më e dobët erdhi ndaj Trabzonsporit të Mohamed Salah, ku Galatasaray u mposht 4-0. Leao humbi 21 topa, nuk goditi asnjëherë në kuadrat dhe u kritikua ashpër nga tifozët në rrjetet sociale.
Megjithatë, trajneri Okan Buruk doli në mbrojtje të tij dhe theksoi ndikimin pozitiv që transferimi ka pasur në atmosferën rreth klubit.
Jashtë fushe, efekti i Leao ka qenë i menjëhershëm. Në tre ditët e para pas transferimit u shitën rreth 50 mijë fanella me numrin 27, duke treguar entuziazmin e madh që shoqëroi mbërritjen e tij në Stamboll.
