Lionel Messi do të veshë edhe një herë fanellën e Argjentinës, pavarësisht se vetëm pak ditë më parë njoftoi tërheqjen nga kombëtarja. Ylli argjentinas është përfshirë në listën për grumbullimin e ardhshëm, me synimin që të zhvillojë një ndeshje të fundit përpara tifozëve.
Messi kishte bërë publik vendimin për t’i dhënë fund aventurës me “Albiceleste”, duke e cilësuar atë si një nga zgjedhjet më të vështira të karrierës. Ai falënderoi tifozët, familjen, trajnerët dhe bashkëlojtarët për më shumë se dy dekada me kombëtaren, duke theksuar se largohej me krenari dhe me kujtime të paharrueshme.
Megjithatë, më 6 tetor ai do të rikthehet për një mbrëmje të fundit. Argjentina do të përballet me Beninin në Buenos Aires, përpara rreth 85 mijë tifozëve, në atë që pritet të jetë ndeshja zyrtare e lamtumirës së tij me kombëtaren.
Messi ka regjistruar 207 paraqitje dhe 125 gola me Argjentinën, ndërsa kulmi i aventurës së tij mbetet triumfi në Kupën e Botës 2022 në Katar.
