TIRANË – Ka nisur aktiviteti “Topi i Artë”, ku po ndahen çmimet për më të mirët e vitit 2024 në futbollin shqiptar. Ky është viti i tretë radhazi që organizohet ky eveniment prestigjioz, i cili pritet të shpallë lojtarët dhe trajnerët më të mirë të vitit në futbollin ndërkombëtar.
Ndër shumë pjesëmarrës, është i pranishëm edhe kryeministri Edi Rama.
Me 18 gola në 36 ndeshje gjatë sezonit 2023-2024, Bekim Balaj është fituesi i “Këpucës së Artë” në kampionatin “Abissnet Superiore”.
Balaj shënoi gola të rëndësishëm dhe me skuadrën e Vllaznisë, luftoi deri në fund për titullin kampion, duke arritur me plot meritë në “Final Four”.
Çmimin e “Këpucës së Artë” ia dorëzoi legjenda e futbollit shqiptar, Sulejman Demollari, i cili e përgëzoi Balajn dhe e uroi për më shumë sukses në të ardhmen.
Edhe në sezonin aktual (2024-2025), Bekim Balaj vazhdon të kryesojë renditjen e golashënuesve në kampionatin “Abissnet Superiore” me 13 gola.
Ndërsa arbitri Juxhin Xhaja është shpallur arbitri më i mirë për vitin 2024.
