Deputetët Erion Braçe dhe Vullnet Sinaj kanë votuar kundër draftit të Partisë Socialiste për reformën e re administrativo-territoriale, që parashikon reduktimin e numrit të bashkive nga 61 në 46. Sipas burimeve, gjatë mbledhjes së grupit parlamentar socialist në fillim të kësaj jave, dy deputetët kanë kundërshtuar propozimin për shkrirjen dhe bashkimin e 15 bashkive.
Në përfundim të diskutimeve, drafti është hedhur në votim dhe Braçe e Sinaj kanë votuar kundër. Gjatë mbledhjes, Erion Braçe mësohet të jetë shprehur: Më bën të shkoj drejt votës kundër.
Qëndrimi i dy deputetëve vjen në një moment kur mazhoranca po përballet me debate të forta për hartën e re territoriale. Drafti duhet të marrë 84 vota në Kuvend për tu miratuar.
