Manchester United është në pozicion të favorshëm për të siguruar transferimin e Mateus Fernandes nga West Ham.
Sipas The Times, “Djajtë e Kuq” janë gjithnjë e më të bindur se mund ta mbyllin marrëveshjen për mesfushorin portugez, me një operacion që mund të arrijë deri në 80 milionë paund.
Arsenal gjithashtu ka shfaqur interes për Fernandes, por londinezët nuk janë të bindur të paguajnë shumën e kërkuar nga West Ham. Kjo ka bërë që Manchester United të fitojë terren në garën për 21-vjeçarin.
Michael Carrick e sheh Fernandes si një nga objektivat kryesorë për rindërtimin e mesfushës, sidomos pas largimit të Casemiro dhe me të ardhmen e Manuel Ugarte gjithnjë e më të pasigurt.
West Ham, nga ana tjetër, është nën presion për të shitur për të respektuar rregullat financiare, ndërsa rënia në Championship mund ta bëjë edhe më të vështirë mbajtjen e lojtarit.
Fernandes u transferua te West Ham verën e kaluar nga Southampton për 38 milionë paund dhe në sezonin e tij të parë shënoi 5 gola dhe dha 4 asistime.
Nëse marrëveshja finalizohet, ai pritet të jetë hapi i parë i një rindërtimi të madh në mesfushën e Manchester United.
