Një aksident i rëndë me pasojë humbjen e jetës së një gruaje 62-vjeçare ka ndodhur mbrëmjen e sotme në afërsi të fshatit Humelicë, në aksin rrugor ‘Gjirokastër-Tepelenë’.
H. M., me banim në Tiranë, humbi jetën në vendin e ngjarjes pasi u përplas nga automjeti që drejtonte 54-vjeçari nga Gjirokastra me inicialet E. M. Ky i fundit është shoqëruar nga policia në komisariat, për t’u marrë në pyetje lidhur me rastin e rëndë.
Njoftimi i policisë:
Rreth orës 19:50 në aksin rrugor “Gjirokastër – Tepelenë”, në afërsi të fshatit Humelicë, shtetasi E. M., 54 vjeç, banues në Gjirokastër, duke drejtuar automjetin, ka përplasur këmbësoren, shtetasen H. M., 62 vjeçe, banuese në Tiranë, e cila si pasojë e përplasjes ka humbur jetën në vendngjarje.
Shtetasi E. M., u shoqërua në Komisariat për veprime të mëtejshme.
Grupi hetimor po punon për sqarimin e plotë të rrethanave të aksidentit.
