PSG nis sezonin me ambicie të mëdha, ndërsa Luis Enrique dhe Marquinhos e kanë bërë të qartë objektivin kryesor: fitimin e tretë radhazi të Ligës së Kampionëve.
Një sukses i tillë do t’i lejonte parisienët të barazonin arritjen e Real Madridit të Zinedine Zidane, që fitoi tre Champions League radhazi në formatin modern të kompeticionit.
“Vendosim gjithmonë objektiva shumë ambiciozë. Nuk mendoj se ka një skuadër në Europë më të motivuar se ne”, deklaroi Luis Enrique përpara finales së Superkupës së Europës ndaj Aston Villës.
Edhe kapiteni Marquinhos konfirmoi ambicien e skuadrës: “Tre Champions radhazi është objektivi ynë, por duhet të ecim hap pas hapi. Kemi urinë dhe dëshirën për të vazhduar të fitojmë.”
Luis Enrique theksoi se PSG dëshiron të vazhdojë të jetë skuadra për t’u mundur në Europë, edhe pse pranoi se përsëritja e sukseseve të sezoneve të fundit do të jetë një sfidë shumë e vështirë.
