Kombëtarja shqiptare zhvilloi sot seancën e radhës stërvitore në Varshavë, pas sfidës së play-off-it ndaj Polonisë.
Skuadra u nda në dy grupe gjatë stërvitjes: futbollistët që ishin aktivë në ndeshjen e djeshme u përqendruan te rikuperimi dhe puna në palestër, ndërsa lojtarët që morën pak minuta ose nuk u aktivizuan zhvilluan një seancë të plotë në fushë.
Ndërkohë, pasditen e sotme ekipi do të niset drejt Valencias, aty ku më 31 mars, në orën 20:45, do të përballet me Ukrainën në një ndeshje miqësore.
