Neymar beson se ka bërë gjithçka për të qenë pjesë e Brazilit në Botërorin e ardhshëm, edhe pse vendimi final do t’i takojë trajnerit Carlo Ancelotti.
Ylli brazilian, i cili është përfshirë në listën paraprake të Brazilit, u pyet nëse mendon se e meriton një vend në skuadrën përfundimtare.
“Nuk mund t’i përgjigjem unë kësaj pyetjeje… Ancelotti do të vendosë nëse e meritoj apo jo.
Kam punuar shumë për këtë. Nëse nuk thirrem, do të jem thjesht një tifoz më shumë që do të mbështesë Brazilin në Botëror”, u shpreh Neymar.
Për 34-vjeçarin, ky pritet të jetë Botërori i fundit në karrierë, ndaj prania e tij në listën finale do të kishte një rëndësi të madhe.
Ancelotti duhet ende të shkurtojë listën paraprake dhe të vendosë emrat përfundimtarë që do të përfaqësojnë Brazilin në turne.
