Mohamed Salah e ka përjashtuar mundësinë e një transferimi në kampionatin turk, pavarësisht interesimit të Fenerbahçe-s. Sipas raportimeve, zyrtarë të klubit nga Stambolli zhvilluan një takim këtë javë me agjentin e sulmuesit egjiptian, Ramy Abbas, por bisedimet nuk përparuan.
Mesazhi nga kampi i lojtarit ka qenë i qartë: një kalim në Turqi nuk është opsion. Agjenti i Salah ka bërë të ditur se e ardhmja e tij shihet vetëm në dy skenarë: ose qëndrimi te Liverpool, ose një transferim drejt Arabisë Saudite.
Salah ka kontratë me Liverpoolin deri në verën e vitit 2027 dhe raportohet se përfiton rreth 14 milionë euro në vit neto. Këtë sezon ai ka zhvilluar 20 ndeshje, duke shënuar 5 gola dhe dhënë 4 asistime.
