Bardhezinjtë përshëndeten me Champions League pas një nate dramatike në “Allianz Stadium”. Edhe pse Juventusi arriti të përmbyste humbjen e ndeshjes së parë (5-2) dhe ta çonte sfidën në shtesë, u mposht në fund nga Galatasaray, që shënoi me Osimhen dhe Baris Alper Yilmaz në kohën shtesë.
Skuadra e Spallettit zhvilloi një paraqitje shumë të mirë, me karakter dhe luftë deri në fund, duke shënuar me:
- Locatelli (penallti)
- Gatti
- McKennie
Juve madje luajti edhe me një lojtar më pak pas kartonit të kuq të Kelly, por sërish arriti të rikthehej dhe të ndezte shpresat për një kualifikim historik. Bardhezinjtë patën edhe një rast të artë në fundin e kohës së rregullt për ta mbyllur kualifikimin, por Zhegrova nuk arriti të shënonte.
Në shtesë, eksperienca dhe cilësia e Galatasarayt bënë diferencën: fillimisht Osimhen shënoi golin që i dha avantazhin turqve, ndërsa në fund Yilmaz vulosi eliminimin e Juventusit.
Pavarësisht humbjes, tifozët e Juventusit i duartrokitën skuadrës në fund, pasi ekipi tregoi shpirt gare dhe reagim pas një periudhe të vështirë. Tani objektivi kryesor mbetet lufta për vendin e katërt në kampionat.
