Juventus ka vendosur të marrë masa pas humbjes ndaj Genoas, me skuadrën që do të futet në një grumbullim 48-orësh në Continassa përpara ndeshjes së rëndësishme ndaj Napolit.
Sipas Gazzetta dello Sport, vendimi është marrë nga Luciano Spalletti dhe është mbështetur plotësisht nga drejtuesit e klubit. Sfida e së dielës ndaj Napolit konsiderohet një moment kyç për sezonin e bardhezinjve.
CEO i Juventusit, Giovanni Carnevali, zhvilloi gjithashtu një takim të drejtpërdrejtë me lojtarët, duke kërkuar përgjegjësi nga i gjithë grupi pas rezultateve të fundit.
Carnevali ua bëri të qartë futbollistëve se situata aktuale është e papranueshme dhe se klubi pret një reagim të menjëhershëm, të fortë dhe konkret në fushë.
Megjithatë, drejtuesi ritheksoi besimin te trajneri dhe grupi i punës, duke kërkuar që përgjigjja të vijë që në ndeshjen ndaj Napolit.
Juventus ka pësuar dy humbje në dhjetë ditët e fundit dhe tashmë përballja e së dielës merr një peshë të madhe për vazhdimësinë e sezonit.
