Gjatë mbledhjes së sotme në Komisionin për Reformën Zgjedhore, ku i pranishëm ishte edhe kreu i SPAK, Klodian Braho u diskutua mbi punën e institucionit gjatë zgjedhjeve të vitit të kaluar dhe funksionimin e task-forcës së ngritur për goditjen e rasteve të korrupsionit elektoral.
Gjatë seancës deputetët kërkuan sqarime mbi rezultatet konkrete të denoncimeve të bëra, duke ngritur shqetësimin se në disa raste nuk kishte pasur zhvillime hetimore. Nga ana tjetër, kreu i SPAK theksoi se një pjesë e denoncimeve nuk kanë pasur bazë provash dhe nuk kanë qenë brenda kompetencave hetimore të institucionit.
Në përgjigje të pyetjeve dhe qëndrimeve të deputetëve të Partisë Demokratike, si edhe të ish-gjyqtarit tashmë deputet të opozitës, Gjin Gjoni, Braho solli një shembull dhe ju drejtua me një pyetje këti jtë fundit se si do të kishte reaguar ai nëse ende do të vijonte të ishte në detyrën e togave të zeza.
“Nëse unë do të vija dhe të thosha se kam dëgjuar që janë paguar 600 mijë euro për zgjedhje, a do ta konsideronit provë për të akuzuar dikë?”, u shpreh ai, duke theksuar se vendimmarrja nuk mund të bazohet mbi perceptime apo “thashetheme”, por në prova konkrete.
Klodian Braho: Ju keni punuar vetë gjyqtar dhe mendoj se keni qenë gjyqtar i zoti. Nëse unë do të vija në seancën tuaj dhe të thoja që kam dëgjuar se flitet që janë paguar 600 mijë euro për zgjedhje në këtë qark, do ta pranonit si provë për të akuzuar dikë tjetër?
Sigurisht, flitet, mund të ketë perceptime, opinione, por vendimmarrja e prokurorisë duhet të bazohet ku ekzistojnë provat.
Ne e kemi kuptuar që një perceptim të tillë ka dhe pritshmëri shumë të larta për SPAK, por hetimet nisin ku janë provat.
