Një shqiptar 55-vjeçar në Greqi është plagosur mëngjesin e sotëm gjatë një tentative për vrasje.
Ngjarja ndodhi në zonën e Patissia-s në Athinë, në kryqëzimin e rrugëve Vroutou dhe Themou Annino kur dy persona të cilët udhëtonin me një motoçikletë, hapën zjarr ndërsa shënjestra po dilte nga shtëpia.
Shqiptari është plagosur në këmbë dhe ndodhet në spital.
Autorët janë larguar nga vendngjarja, ndërsa pas kanë mbetur tri gëzhoja dhe një plumb. Hetimet për zbardhjen e rrethanave janë në vijim.
