Pas heqjes zyrtare nga roli i kapitenit të Barcelonës, portieri gjerman Marc-André Ter Stegen vendosi të thyente heshtjen.
Me një deklaratë të gjatë, ai sqaroi ngjarjet e muajve të fundit, të cilat u karakterizuan nga një dëmtim dhe disa zëra që dyshonin për transparencën dhe profesionalizmin e tij.
“Ishin muaj të vështirë, si fizikisht edhe personalisht – pranoi numri një i Blaugranave. Vendimi për t’u operuar u mor bashkë me klubin, me vetëm një qëllim: të siguroja shëndetin dhe karrierën time afatgjatë.” Ter Stegen theksoi me vendosmëri se asnjë vendim nuk u mor vetë, dhe asnjë trajtim nuk u bë pa miratimin e klubit katalanas.
Portieri dëshiroi të përgjigjej ndaj spekulimeve të fundit që flisnin për një konflikt me klubin lidhur me kohën e rikuperimit dhe menaxhimin e raporteve mjekësore: “Nuk ka munguar kurrë respekti ndaj afateve. Kam qenë gjithmonë i ndershëm dhe profesional. Më vjen keq kur lexoj të kundërtën.”
Në fund, ai dërgoi një mesazh dashurie për Barcelonën: “Angazhimi im është i pakontestueshëm. Dua klubin, shokët dhe tifozët. Do jap gjithçka për t’u rikthyer dhe për të qenë sërish i dobishëm.”
Ai e mbyll me një mesazh të drejtpërdrejtë për zemrën e mbështetësve ‘blaugrana’: “Ju dua, culé!”
