Humbja e thellë e republikanëve në zgjedhjet e mesmandatit në SHBA ka shtuar presionin ndaj sekretarit të Mbrojtjes, Pete Hegseth. Një grup ligjvënësish republikanë dhe aleatë të Donald Trump po e bëjnë atë përgjegjës për një pjesë të rezultatit, duke argumentuar se ai ndikoi në vendimin e presidentit për të nisur luftën kundër Iranit, pa një strategji të qartë për përfundimin e saj. Sipas burimeve të CNN, republikanët e akuzojnë Hegseth se kishte paraqitur një tablo tepër optimiste për mundësinë e një fitoreje të shpejtë, ndërsa konflikti është zgjatur dhe ka rënduar edhe më shumë koston e jetesës.
Presioni ndaj tij mund të marrë edhe formë institucionale. Kongresmeni republikan Thomas Massie pritet të kërkojë javën e ardhshme një votim në Dhomën e Përfaqësuesve për shkarkimin e Hegseth përmes procedurës së fajësimit. Disa burime republikane i kanë thënë CNN se presin që nisma të marrë mbështetje të mjaftueshme. Ndërkohë, zëvendëspresidenti JD Vance deklaroi se arsyeja e humbjes së republikanëve ishte lufta, pa ia atribuar drejtpërdrejt përgjegjësinë ndonjë zyrtari të caktuar.
