Të gjitha vëmendjet janë drejtuar sot nga Uashingtoni, ku u hodh shorti final i Kampionatit Botëror 2026. Për herë të parë në histori, turneu do të zhvillohet me 48 ekipe, të ndara në 12 grupe me nga 4 skuadra.
Nga 48 skuadra pjesëmarrëse, 42 ekipe e kanë siguruar tashmë kualifikimin, ndërsa 6 vende të tjera – mes tyre Shqipëria dhe Kosova – do të përcaktohen në fazën e playoff-it. Edhe pse ende në garë, këto ekipe janë përfshirë në short sipas mundësive të tyre të renditjes.
Si u krye shorti?
Shorti nisi me shpërndarjen e skuadrave të vazos së parë. Tre vendet pritëse kanë pozicionim të paracaktuar:
- Meksika në Grupin A
- Kanadaja në Grupin B
- SHBA në Grupin D
Skuadrat e tjera të vazos së parë u vendosën duke respektuar renditjen botërore, për të shmangur përballjet e hershme mes ekipeve të mëdha.
Spanja dhe Argjentina janë vendosur në rrugëtime paralele, njësoj si Franca dhe Anglia, me synimin që përballjet e mundshme mes superfuqive të ndodhin në fazat më të avancuara.
Për vazot 2, 3 dhe 4, pozicionimi u drejtua nga një skemë e paracaktuar, bazuar si te vazoja përkatëse, ashtu edhe te grupi ku bie skuadra.
Shqipëria dhe Kosova, në pritje të playoff-it
Në skenarin e kualifikimit, Shqipëria dhe Kosova do të jenë pjesë e vazos së katërt, së bashku me Jordaninë, Bregun e Fildishtë, Kurasaon, Ganën, Haitin dhe Zelandën e Re.
Në këtë vazo janë përfshirë edhe fitueset e katër playoff-eve europiane dhe dy playoff-eve ndërkontinentale.
GRUPET E BOTËRORIT 2026
Grupi A: Meksikë, Koreja e Jugut, Afrika e Jugut, Europë Play off D (Danimarka/Maqedonia e Veriut/Çekia/Irlanda)
Grupi B: Kanada, Zvicër, Katari, Europë Play off A (Italia/Irlanda e Veriut/Uellsi/Bosnja)
Grupi C: Brazil, Marok, Skoci, Haiti
Grupi D: SHBA, Australi, Paraguai, Europë Play off C (Turqia/Rumania/Sllovakia/KOSOVA)
Grupi E: Gjermani, Ekuador, Bregu i Fildishtë, Kurasao
Grupi F: Holandë, Japoni, Tunizi, Europë Play off B (Ukraina/Suedia/Polonia/SHQIPËRIA)
Grupi G: Belgjikë, Iran, Egjipt
Grupi H: Spanjë, Uruguai, Arabia Saudite, Kepi i Gjelbër
Grupi I: Francë, Senegal, Norvegji, Play off Interkontinental B (Bolivia/Surinami/Irak)
Grupi J: Argjentinë, Austri, Algjeri
Grupi K: Portugali, Kolumbi, Uzbekistan
Grupi L: Angli, Kroaci, Panama**
Shorti ka vendosur premisa për një kampionat Botëror spektakolar, me përballje të forta që në fazën e grupeve, ndërsa Shqipëria dhe Kosova mbeten në garë për të siguruar një vend historik në turne.
