Norvegjia ka siguruar kualifikimin në fazën e 1/8-ave të Kupës së Botës 2026, pas fitores 2-1 ndaj Bregut të Fildishtë në një ndeshje shumë të luftuar.
Skuadra norvegjeze kaloi e para në avantazh në minutën e 38-të me Antonio Nusan, i cili realizoi një gol shumë të bukur nga hyrja e zonës. Bregu i Fildishtë reagoi në pjesën e dytë dhe barazoi në minutën e 73-të me Amad Diallon, që shënoi me një goditje fantastike me të majtën.
Kur ndeshja dukej se po shkonte drejt kohës shtesë, u shfaq Erling Haaland. Sulmuesi i Manchester City shënoi në minutën e 85-të pas një pasimi të ulët në zonë, duke i dhënë Norvegjisë fitoren dhe kualifikimin.
Në fund, Bregu i Fildishtë pati mundësi për të barazuar, por portieri Nyland bëri disa pritje vendimtare dhe mbajti në këmbë Norvegjinë deri në vërshëllimën finale.
Norvegjia vazhdon ëndrrën në Botëror dhe tani do të përballet me Brazilin në fazën e 1/8-ave.
