Një rast i mashtrimit të qytetarëve përmes call-center është goditur nga Krimi Ekonomik dhe Kibernetik në Drejtorinë e Përgjithshme të Policisë së Shtetit në qytetin e Shkodrës.
Sipas njoftimit zyrtar, gjatë ndërhyrjes së Policisë u arrestuan në flagrancë 4 shtetas të dyshuar si organizatorë dhe drejtues të veprimtarisë kriminale.
Të arrestuarit janë shtetasit me iniciale F. P., 37 vjeç, L. M., 43 vjeç, B. N., 41 vjeç dhe N. B., 42 vjeç, të gjithë banues në Shkodër dhe zonën e Bajzës.
Ndërkohë, në ambientet e subjektit u kapën 61 punonjës, të cilët po ushtronin aktivitetin në momentin e ndërhyrjes së policisë. Për ta ka nisur procedimi në gjendje të lirë.
Gjatë kontrollit, autoritetet sekuestruan 152 pajisje elektronike, përfshirë kompjuterë, laptopë dhe pajisje të tjera që dyshohet se përdoreshin për mashtrim kompjuterik.
