Hansi Flick ka përcaktuar përkohësisht hierarkinë e kapitenëve të Barcelonës, në pritje që skuadra të kompletohet dhe më pas të zhvillohet votimi tradicional mes lojtarëve.
Pas largimeve të Ter Stegen dhe Ronald Araújo, si dhe dëmtimit të Frenkie de Jong, trajneri gjerman ka vendosur që Raphinha të jetë kapiteni i parë, i ndjekur nga Eric García dhe Pedri. De Jong do të mbetet gjithashtu pjesë e grupit të kapitenëve sapo të rikthehet.
“Skuadra ende nuk është përfunduar. Mund të ketë afrime ose largime të tjera. Kur gjithçka të jetë mbyllur, do të zhvillojmë votimin”, shpjegoi Flick.
Trajneri i Barcelonës foli me shumë vlerësim edhe për De Jong, duke e cilësuar një lojtar shumë të rëndësishëm për skuadrën dhe duke theksuar marrëdhënien e mirë mes tyre.
