Përplasja mes FIFA-s dhe UEFA-s është zhvendosur në gjykatë, me institucionin botëror që akuzon UEFA-n për “fushatë dezinformimi” dhe përpjekje për të ndikuar në zgjedhjet e ardhshme presidenciale të FIFA-s.
UEFA kishte depozituar më parë dokumente ligjore në SHBA, duke kërkuar prova dhe materiale që lidhen me projektin tashmë të braktisur “FIFA Forward Enterprise”. Organizata europiane kishte ngritur akuza të rënda ndaj Gianni Infantinos për mënyrën se si ishte menaxhuar projekti.
Në përgjigjen e saj, FIFA i cilësoi pretendimet si “të rreme ose çorientuese” dhe mohoi kategorikisht se Infantino kishte synuar të përfitonte personalisht nga projekti.
FIFA ka refuzuar gjithashtu kërkesën për publikimin e dokumenteve dhe i ka kërkuar gjykatës amerikane të rrëzojë kërkesën e UEFA-s.
Tensionet mbeten të larta përpara zgjedhjeve të FIFA-s në mars 2027, ku Infantino pritet të kërkojë një tjetër mandat.
