Skuadra e turke e Fenerbahce është shpallur kampione e Europës në basketboll për meshkuj për sezonin sportiv 2024-2025, pas triumfit 81-70 në finalen e Euroleague ndaj francezëve të Monaco.
Ndeshja e shumëpritur u luajt në Abu Dhabi, ku dhe u zhvilluan finalet e “final four” këtë vit. Turqit rikthehen kampionë të Europës pas 8 vitesh pritje (hera e fundit sezoni 2016-2017), ndaj për ta është triumfi i dytë në Euroleague.
Një takim i ekuilibruar në pjesën e parë, ku të dyja skuadrat dueluan fort. Por, në 20 minutat e dyta, vjen shkëputja e skuadrës turke, ku u dallua Nigel Davis me 23 pikë, mbështetur nga Guduric me 19 pikë.
Vendin e tretë e siguroi skuadra greke e Olympiacos, që në “finale e vogël” mundi Panathinaikos 97-93. Një ndeshje derbi me shumë emocione, fituar në fund nga Olympiacos.
