Biznesmeni që drejton Bashkinë e Sarandës,Oltion Çaçi, ka filluar “fushatën” për zgjedhjet parlamentare të vitit 2025.
Duke qenë se vjen nga fusha e biznesit, ai e di shumë mirë që ndihma për familjet në nevojë mund të përkthehet në vota, ku drejtuesit e bashkive janë vënë në krye të makinerisë të mazhorancës.
Dhe, në të njëjtën kohë që vijojnë të pregatisin listat e emigrantëve, duke përdorur rëndom të gjithë administratën për plotësimin e formularit me “të afërmit e punonjësve jashtë Shqipërisë”, tashmë i kanë kthyer sytë nga vota e familjeve në nevojë.
Sipas dokumenteve që disponon VoxNews, Bashkia e Sarandës po shfrytëzon festat e fundvitit për të shpërndarë qindra pako me ushqime.
Ky institucion po bën një tender për të pregatitu 250 pako me miell, oriz, vaj, sheqer etj.
Një “lëmoshë” për të marrë vota, ku duket se klasa politike ende sot pas 34 vitesh nga rënia e diktaturës i përdor banorët si “kavie”.
Dokumenti i mësipërm është shpallja e njoftimit të tenderit nga Bashkia e Sarandës në Agjencinë e prokurimit Publik.
Objekti është “shpenzime për aktivitete për festat e fundvitit”, por nisur nga përmbajtja vetëm për aktivitet nuk ëbhet fjalë.
Mësohet se procedura është realizuar në datën 23 dhjetor, teksa kërkohen 500 pako 1 kilogramëshe me sheqet.
Gjitashtu kërkohen 500 pako me miell 1 kg, 500 pako me makaronë 0.5 kg, 250 pako me oriz 1 kg si dhe 500 vaj 1 litër.
Bashkia kërkon edhe 250 pako me kadaif 500 gramë, 500 shishe pje freskuese 1.5 litra, 250 pako kafe 100 gramë dhe 250 qese plastike.
Në total mësohet se po pregatiten 250 pako “lëmoshë”.
Në këto dokumente shkruhet se kërkohet sheqer në paketim 1 kg, karbohidrate, sheqer i bardhë. Mielli të ketë fibra dhe protenia, orizi me karbohidrate, teksa vaji te jetë luledielli.
“Në total oferta është për 250 paketa ushqimore, secila prej paketave të ketë pjesë përbërëse, produktet sipas tabelës së mësipërme. Paketat ushqimore duhen të kenë afat skadence të paktën një vit”, shkruan Bashkia e Sarandës.
