Një i dënuar ka ndërruar jetë në burgun e Fierit. Mësohet se bëhet fjalë për Artur Doku, 52 vjeç, banues në Burrel, i cili vuante dënimin për vrasje.
Sipas të dhënave paraprake, 52-vjeçari ka shfaqur probleme shëndetësore, kryesisht të natyrës kardiake. Ai është transportuar për ndihmë mjekësore, por ka ndërruar jetë gjatë rrugës ose në spital.
Artur Doku ishte dënuar për një vrasje të kryer në vitin 1997 dhe kishte ende për të vuajtur rreth 9 vite e 5 muaj burgim.
Autoritetet pritet të kryejnë verifikimet për zbardhjen e plotë të rrethanave të vdekjes së të dënuarit.
