Botërori i 2026, që do të zhvillohet në SHBA, Kanada dhe Meksikë, sjell një numër të madh risish, mes të cilave rritja e skuadrave pjesëmarrëse në 48, por diskutimi më i nxehtë i momentit është çmimi i biletave. Tifozët kanë shprehur shqetësime se çmimet janë disa herë më të larta se ato në Botërorin e Katarit.
Shqipëria akoma nuk e ka siguruar pjesëmarrjen, me një ndeshje të rëndësishme për Play-Off-in ndaj Polonisë më 26 mars. Sipas shortit të hedhur më 5 dhjetor, Shqipëria ndodhet në grupin B me Holandën, Japoninë dhe Tunizinë. Nëse pas këtij ndeshje Shqipëria arrin të kualifikohet, tifozët do të përballen me çmime të larta për të ndjekur ndeshjet në grup.
Sipas informacioneve të marra nga Top Channel, çmimet e biletave për çdo ndeshje janë të ndara në dy kategori. Për ndeshjen e parë me Tunizinë në Monterrey, biletat e Kategorisë së Parë janë 450 dollarë, ndërsa të Kategorisë së Dytë 380 dollarë. Ndeshja e dytë me Holandën që luhet në Huston ka çmime prej 600 dollarësh për Kategorinë e Parë dhe 430 dollarësh për Kategorinë e Dytë. Ndeshja e tretë me Japoninë në Dallas ka çmime prej 500 dollarësh (Kategoria e Parë) dhe 400 dollarësh (Kategoria e Dytë).
Këtë herë, çmimet e biletave nuk janë të vetmet shpenzime. Të tjera kostot, si bileta avioni, akomodimi dhe parkimi, janë gjithashtu në rritje. Sipas llogarive, për të ndjekur të tre ndeshjet e grupit, një tifoz shqiptar do të duhet të paguajë rreth 1550 dollarë për Kategorinë e Parë dhe rreth 1210 dollarë për Kategorinë e Dytë, pa përfshirë çmimet e kalimit dhe akomodimit.
Megjithatë, përpara se të mendohet për shpenzimet, Shqipëria duhet së pari të kalojë ndeshjen e Play-Off-it për të realizuar ëndrrën për t’u bërë pjesë e Botërorit. Kjo gjithashtu përfshin çështje politike, ku disa tifozë nuk do lejohet të ndjekin ndeshjet për arsye të politikës së SHBA-së.
