Tirana do të jetë sot një nga ndalesat e turit ballkanik të Presidentes së Komisionit Europian, Ursula von der Leyen, e cila do të zhvillojë një vizitë zyrtare në Shqipëri në kuadër të diskutimeve për procesin e integrimit europian të vendeve të Ballkanit Perëndimor.
Nga pamjet e siguruuara për mediat shihet se është bllokuar bulevardi deri pranë Kryeministrisë, me gardhe matelikë, efektivë policorë dhe autobote uji.
Sipas agjendës së bërë publike nga Kryeministria, Von der Leyen do të mbërrijë në zyrën e kryeministrit Edi Rama rreth orës 16:30. Ajo do të zhvillojë një takim kokë më kokë me kreun e qeverisë, i cili pritet të zgjasë rreth një orë.
Pas takimit, rreth orës 17:30–18:00, Presidentja e Komisionit Europian dhe kryeministri Rama do të dalin në një konferencë të përbashkët për shtyp, ku pritet të bëhen publike detaje nga diskutimet. Vizita në Tiranë është pjesë e një turi të Von der Leyen në katër vende të Ballkanit Perëndimor, me fokus ecurinë e procesit të integrimit europian.
