Frank Leboeuf ka kritikuar ashpër lojtarët e Manchester United pas humbjes 4-3 në Premier League ndaj Brentford.
Ish-mbrojtësi i Chelseat nuk i përmbajti kritikat e ashpra, duke i akuzuar ata për çnderimin e historisë së klubit.
Leboeuf tha ESPN FC:
“Ata duhet të turpërohen për atë që ndodhi [kundër Brentford]. Nëse luan për Manchester United, nuk po luan për një ekip të rastësishëm pa histori. Shumica e këtyre lojtarëve janë blerë për shumë para. Klubi shpenzoi shumë para duke menduar se do të ishe mjaftueshëm i mirë për të veshur atë fanellë.
“Pas shkarkimit të shumë trajnerëve, duhet të kuptosh se lojtarët janë fajtorë. Shumica e këtyre lojtarëve nuk janë mjaftueshëm të mirë për të luajtur për Manchester United dhe ata duhet ta dinë këtë. Nuk më intereson nëse ke një ndeshje të rëndësishme në mesjavë”.
Leboeuf vazhdoi:
“Kam luajtur kundër Manchester United në vitet ’90, ata lojtarë donin të fitonin çdo ndeshje. Edhe ata lojtarë që tani po i shikojnë lojtarët e rinj duhet të ndiejnë turp. Kjo paraqitje është thjesht e pamundur për t’u pranuar”.
