Një konflikt i dhunshëm është regjistruar mesditën e sotme në Vlorë, ku një 50-vjeçar ka mbetur i plagosur pas një sulmi nga tre persona.
Ngjarja ndodhi rreth orës 15:00 në lagjen “10 Korriku”. Sipas Policisë, Indrit Halili, 34 vjeç, së bashku me dy persona të tjerë, identiteti i të cilëve ende nuk është bërë i ditur, ka goditur M. Kapaj, 50 vjeç.
Ende nuk dihen motivet që kanë çuar në konflikt, ndërsa pas goditjeve 50-vjeçari ka pësuar dëmtime në pjesën e ballit. Ai është transportuar në Spitalin Rajonal të Vlorës, ku po merr ndihmën mjekësore.
Pas marrjes së njoftimit, policia ka ndërhyrë duke shoqëruar 34-vjeçarin Halili në Komisariat. Ndërkohë, shërbimet e policisë vijojnë punën për lokalizimin e dy personave të tjerë të dyshuar si të përfshirë.
Hetimet vijojnë për të përcaktuar dinamikën e konfliktit dhe shkaqet që çuan në dhunimin e 50-vjeçarit.
