Ashtu siç ndodh zakonisht, Juventus dhe Inter na dhuruan një ndeshje shumë të bukur, e luftuar nga minuta e parë deri në fund. Ndeshja e luajtur në “Allianz Stadium” në Torino nisi vrullshëm që në minutat e para. Në fakt, e gjithë pjesa e parë foli për zikaltrit të cilët shpërdoruan disa mundësi të arta për të shënuar golin e avantazhit.
Në minutën e 43′, Dumfries ishte i pafat, goditja e tij u ndal nga shtylla. Pjesa e parë mbyllet në barazim të bardhë. Në minutat e para të pjesës së dytë, Interi sërish ishte më aktiv dhe pati më shumë raste, por pa arritur dot t’i konkretizojë në mënyrën e duhur.
Në minutën e 75-të, ishte Francisco Conceicao që zhbllokoi shfirat, portugezi përfitoi nga një rrëmujë e krijuar në zonë pas driblimeve të Kolo Muani dhe dërgoi topin në rrjetën e Sommer. SHIKO GOLIN
Në minutat e mbetura, nuk apti ndryshim të rezultatit. Pas kësaj fitoreje, Juventus ngjitet në vendin e katërt me 46 pikë, Inter mbetet në vendin e dytë me 54 pikë, dy më pak se Napoli i vendit të parë.
